Rojnameyê Newaya Jin hûmara xo ya 180. çap kerde. Rojname bi manşetê ''Dinya do pê cinîyan bivurîya'' vejîya û hûmara xo ya adare de meydanê herêmîye ra heta unîversale giranîye daye têkoşînê cinîyan ser.

Nuştox Hêja Zerya na hûmare de bale ante krîzê pêroyî yê têgêrayîşê femînîstî ser.

Zerya Gul zî bi nuşteyê xo yê ''Şerê Dinya yo Hîrêyîn'' nîşan kerd ke rolê wedaritişê azadîya cinîyan teslîmê Erdogan bi.

Dîlane Bozgan  bi dosya-xebera xo bala ante dansê Lastesîsî û qirkerdişê cinîyan ser.

Buşra Alî qala serewedaritişê şarê Lubnanî û rolê cinîyan ê Lubnanî kerde.

Hacere Altunsoy têkilîya mabênê camêrdi keye û dewlete analîz kerde.

Rojnamgere Esra Çîftçî vernîyazê efûkerdişê tecawuz û tacîzê domanan ercna.

Nîgare Yildirim zî vurnayîşê îklîmî ercna.

Cinîyanê Ewroa teşrîna verêna 2019î de pê vengdayîşê Kongreya Starî vera hêrişanê dewleta tirke yê serê Rojawanî zaf welatanê Ewropa de Women Defend Rojava (Cinîyî Rojawan Pawenê) awan kerd. Hêlîn Dîrîk temsîlkaranê komîteyan reude qisey kerd û armancê ronayîşê nê komîteyan ser o vindert.

Newroz Cîzre qala embaza xo Fermandara YJA-Starî Berçeme Cîloya ke serra 2017î de Çewlîg de şehîd bîye kerde.

Na hûmare de Endama Koordînasyonê KJARî reyde roporatjêk ame kerdene.

Wekîla HDPyî Dersime Dag kerdişanê faşîzanan ê Tirkîya ser o nuşt. Roza Metîna qala rolê hunerî û kulturî yê averşîyayîşê komelî û têkoşînê estbîyayîşî de kerde. Gulîstan Îke bale ante xoverdayîşê cinîyan ser.