Newaya Jin: Dinya gêrena haştîya xo

Hûmara Êlule ya Newaya Jinî bi manşetê ‘Dinya gêrena haştîya xo‘ vejîyaye.

Hûmara 174’ine ya Newaya Jinî  bi manşetê ‘Dinya gêrena haştîya xo‘ ameye weşanayene.

Rojname de şerê Rojakewtena Mîyanêne û dinya yeno vîrardene û vera naye bale yena antene serê xoverdayîşê cinîyan û şaran. Bi wesîleya 1’ê Êlule Roja Haştîye ya Dinya  derheqê çareserîya meselaya Kurdî de bi hemsereka Konseya Rayberdişî ya KCK’yî Besê Hozate roportajêk ca gêno. Rojnamere Hacer Altinsoye zî derheqê hewldayîşê haştîye yê cinîyan de dosyayêka cigêrayîşî amade kerde. Nuştoxanê rojnameyî ra Nazan Ustundage zî kitabê  ‘Dîyalogê Awankerdişê Cuya Azade‘ yo ke fîkiranê Rayberê Şarê Kurdî Abdullah Ocalanî geno dest, dana naskerdene. Nuştoxe Gonul Kaya û rojnamegere Gulîstan Çîya zî kampanyaya Têgêrayîşê Cinîyan ê Kurdistan-Ewropa (TJK-E) ya ‘Seba vurayîşî û azadîye ti zî wirze payan ser‘ ercnenê. Reyna jîneolojî, polîtîkayê qeyûmî yê vera cinîyan, binpaykerdişê heqê cinîyan û xeylî babetê muhîmî yê bînî rojname de  ca gênê.