Koodînasyonê PAJKî bi wesîleya Newroze eşkerayîyêke daye  û waşt ke wa şar vera nêweşîye tedbîran bigerê la miheqeq adirê Newroze zî bifîno ta.

''Eşkerayîye ra tayî cayî wîna yê: Ma şexsê Rayberê Apo, Kawayê Asinkarî yê Hemdemî  Mazlûm Dogan, Zekîye, Ronahî, Berîvane û Ugur Şakarî de Newroza şehîdan û şarê xo û heme şarê Rojhelata Mîyanênî bimbarek kenê. Şarê Mezopotamya  cografya ke tede ciwîyene de bi erjanê xo yê etîk û estetîkî yê kurlturkî , ziwan û exlekeqî estbîyayîşê xo seranê dergan rayra berd. Kurdan zî herra Kurdîstanî de tekoşînê cuya sey têkoşînê estbîyayîşî rayra berd. Têkoşînê kurdan vera Denhaqê zalîmî bi serkewtiş ser kewt. Têkoşînê kurdan têna semedê kurdan nê sememdê heme şaranê  herême bi sebebê nefesgirewtişî. Nê heqîqatî ra yo ke heremê de Newroze sey roja newî yena bimbarekkerdene.

Rayberê ma Newroza 1973 de kombîyayîşê grube yo verên viraşt û proseso newe yê herême da destpêkerdene. Bi felsefeya ey adirê Newroze kila girewt. Kawayê Asinkarî yê Hemdemî Mazlûm Doganî  21ê Adarea 1982 de Xoverdayîşê Zîndanê Amedî ra bi bedenê xo êyê ke wazenê ameyoxê kurdan tarî bikerê adirê Newroze de vêşnayî. Newrozanê 1992î yê Cizîre û Nisêbînî de  tradîsyonê Newroze yê kurdan adirê serhildanî tafîna û adirê azadîye bi gir. Bi têkoşînê gerîlayî û adirê kuçeyan adirê Newroze resa sêrpilikê koyan. Her newroz semedê kurdan destpêkerdişêko newe yo. Kurdê ke vera faşîzmê DAÎŞ, AKP- MHP û her  cade têkoşîn kenê hetêk ra zî sîstemê xo ya newe awan kenê.

Newroza emserî de rîyê tehlukeyê nêweşîyî ra  heme programê Newroze ameyî batalkerdene. Ma sey Têgêrayîşê Azadîye yê Cinîyan ê Kurdan vanê ke rîyê nêweşîye ra şayîyê kerdî merê kerdene zî wa miheqeq adirê Newroze ya ke roşanê neteweyî yê şarê ma  yo bêro tafînayene. Adirê Newroze ke ma  serê bananê xo û  kuçeyan de tafînenê do ruhê Newroze ganî biverdê.  Şarê ma wa tedbîranê semedê weşîye bigero la miheqeq wa adirê Neroze bifîno ta.''