Koordînasyonê PJAKî bi wesîleya serrgêra şehadetê Gulnaze Karataş (Bêrîtane) eşkerayîyêke daye.

Eşkerayîya PAJKî wina ya:

''Têgêrayîşê ma yê Azadîye yê Cinîyan seba tarîxî pê averşîyayîşanê bêhempayan pirr o. Cinîyanê ma yewbînan ra hêz girewt û seba ameyoxî manayê pîlî afernayî. Şehadetê embaza ma Bêrîtane (Gulnaze Karataş)a ke 25ê teşrîna verêne ya 1992î de şehîd bîye nê averşîyayîşan ra yew o.

Embaze Bêrîtane tarîxê Têgêrayîşê Azadîye yê Cinîyan ser o rêçê pîlî verdayî. Aye kerd ke Têgêrayîşê Azadîye û milîtanê azadîye bibê artêşêke. Payîzê 1992î de PDKyî bi hemkarîya PDKyî Başûrê Kurdîstanî de herêma Xakurkê de hêrişê PKKyî kerdêne. Gerîlayanê PKKyî bi xoverdayîşê pîlî hem xeta bêbextîye hem zî  îşxalî bin kerdî. Nê binkerdişî de xeta embaze Bêrîtane wayîra rolêkê pîlî ya. 

Embaza ma Bêrîtane heta guleyê xo yê peyênî vera hêzanê PDKyî xo ver da. Hêzanê PDKyî dormeyê aye girewtbî û tira vatêne 'teslîm bibe.' Embaze Bêrîtane vera naye vat 'Ma domanê çêrî yê nê welatî yê' û heta guleyê xo yê peyênî şer kerd. Dima seba ke dişmen çeka aye nêgêro çeka xo şikite û xo kendalî ra eşt war. Na çalakîye bi ercnayîşê îdeolojîk-sosyolojîkî yê Rayber Apoyî bîye destpêkê artêşbîyayîşê cinîyan.

Îdeolojîya azadîya cinîyan a PKKyî de rolê embaze Bêrîtane pîl o. Xoverdayîşê Bêrîtane ewro zî roşnî dano. Çalakîya embaze Bêrîtane vurîyaye artêşbîyayîşê cinîyan û ewro no artêşbîyayîşê cinîyan bi qerardarîye yeno caardene. 

Nika no nasname û kesayet Heftanîn de vera dewleta tirke û hemkaranê ci têkoşîn keno. Teqîbkerdoxê Bêrîtane Esmer û Nûcanî Kurdîstan dişmenî ra pawenê. 4 mengan ra nata newe ra yeno îsbatkerdene ke cinîyê kurdîstanijî senî xo ver danê.

Xoverdayîş û serewedaritişê Bêrîtane û teqîbkerdoxanê aye pêro parçeyanê Kurdîstanî de ameyî pêser û bîyî yew parçe. No xoverdayîşê Kurdîstanî hînî derbazê kuçeyanê dinya beno. Ewro Têgêrayîşê Azadîye yê Cinîyan ê Kurdîstanî beno îlamê pêro têkoşînê cinîyan.

Nê esasî ser o sere de şexsê embaza ma Bêrîtane de û şexsê şehîdanê menga teşrîna verêne Azîme, Rewşene, Gurbetellî Ersoz, Meryeme Çolak, Çîçeke Gabar, Zinarîne Dêrik, Arîne Mîrkan, Gulnaze Ege, Andrea Wolf, Çerkeze Hêlîn, Canda Turk, Rojîn Gevda, Legerîn Çîya, Hevrîne Xelef, Dayîke Aqîde de ma pêro şehîdanê Kurdîstanî bi rêzdarî yad kenê û perwerîya xo pêşkêşê înan kenê.''