Koodînasyonê PAJKî derheqê şehadetê Endama Meclîsê PAJKî, Endama Konseya Fermandarîye ya HPG û YJA-Starî Leyla Sorxwîn (Hamîyet Yalçinkaya) de eşkerayîye daye û nê vatî:

''Şehadetê hemraya ma Leyla Sorxwin-Hamiyet Yalçinkaya şar û partîya ma ser zaf tesîr kerd.  Ma şexsê hemra Leyla de heme şehîdanê şorişî bihurmet yad kenê, partîya  xo rê, keyeyê aye û şarê xo rê serweşîye wazenê. Hemraya ma Leyla ke Besta de şehîde bîye, gerîlatîya ci ya 31 serran hunerê cinîyêka ke xo bi îrade û kede afirnena yo. Amedî ra hema domanîya xo ra verê o da koyanê azadan û xo newe ra afirna. Ma soz danê ke ma do rêçê fermandara xo Leyla de wayîrê keda ci bivejîyê û waştişanê ci bîyarê ca. 

Hemraya ma Leyla sey fermandare, serkêşe bi  vindertişê xo  xeta serkewtişî temsîl kerd. Bi tecrubeyê xo, xo ser akademîya îdeolojî-leşkerî bî. Têkoşînê ma yê azadîye de tim wezîfeyê giran û muhîmî girewtî xo ser û heme bi serekwtişî ardî ca. Raştîya Rayberîya bi heqîqetî ciwîyayêne. Semedê cuya azade çîyo ke hewce keno aye kerd. Eşiqê Botanî bî. Her vinceyê herra Botanî bi azadîye neqişna û zerrîya şarê Botanî de cayê xo girewt. Cinîyan de eşqê têkoşînî afirna. Warê Botanî de vera torra qoricî, ajan û operasyonanê îmhakerdişî yê artêşa faşîstî mîyanê hemle û çalakîyanê serkewteyan de ca girewt. Bîye ziwano rêxistinkerde yê komelî, bîye îfadeyê xeta xelisnayîşî. Bi kede, xoverdayîş, qehremanye û qerardarîye Têgêrayîşê Azadîye yê Cinîyan ê Kurdîstanî tim newe kerd. Seba ke ma hemrayê aye yê û binê fermandarîya ci de têkoşîn kerd, ma sereberz ê. Heta ke serkêşê ma yê cinîyî yê biheybetî yê ke sereyê înan gineno astareyan ro, bibî têkoşînê ma yê vera faşîzm, camêrd û îqtîdarî do tim bi girdbyayîşî dewam bikero. Her şahdet semedê ma sondê azadîye yo."