Parlamenter û namzedanê HDP’yî Sîsê Bîngole zîyaret kerde
Parlamenter û namzedê hemşaredarîye yê HDP’yî yê Mûşî Sîsê Bîngol a ke rixmê nêweşî û serranê ci zîndan de ameyêne tepiştene û 4’ê Adare de ameye veradayene, zîyaret kerde.
Parlamenter û namzedanê HDP’yî Sîsê Bîngol a 85 serre ya ke newe zîndan ra ameya tehlîyekerdene, dewa ci ya Gimgimî de zîyaret kerde.
Vervatoxa Kongreya Şaran a Demokratîke (HDK) û parlamentera HDP’yî ya Mûşî Gulîstan Kiliç Koçyîgîte, namzeda hemşaredarîye ya Mûşî Sîbel Gençe û namzedê hemşaredarîya Gimgimî Ulku Karaaslane û Mahmût Yalçinî Sîsê Bîngole zîyaret kerde.
Serra 2016‘î de sereştişê dewa Badanî yê qezaya Gimgimî ya Mûşî de Sîsê Bîngole bi 3 kesan a pîya bi îdîaya ‘‘hetkarîya organîzasoyonî ‘‘ ameyebî tepiştene. Hezîran a 2016‘î de roniştişê verênî de semedê nêweşbîyayîşê ci Sîsê Bîngole ameye tehlîyekerdene la Nîsan a 2017‘î de reyna cezaya hepsî ameyebî cidayene. Sîsê Bîngole 4’ê Adare de ameye veradayene.
