Polîsan hêriş kerd ser çalakîya Meclîsê Cinîyan ê HDP'yî yê Enqere ya ke bi şîarê 'Hemserekîya xeta ma ya mor a.' emeyebî organîzekerdene. Parlamentera HDP'yî ya Sêrtî Meral Daniş Bektaş zî tede 8 kesî ameyî destbendkerdene.
Meclîsê Cinîyan ê HDP'yî bi şîarê 'Hemserekîye xeta ma ya mor a' verba qeyûman 5 hebî şaristanan de hemwext çalakîye viraştî
Çerçeweya çalakîyan de bi beşdarbîyayîşê Parlementera HDP'yî ya Sêrtî Meral Daniş Bektaşe Enqere de çalakîyêk ameye viraştene. Rayîrê Tunali Hilmî de cinîyan waşt rayşîyayîşêk bikê. Verê rayşîyayîşî Parka Kûgûlû de qewetê çewikî dorê cinîyan girewt û verê çalakî destpê bike hêriş kerd ser înan. Polîsan 10 cinîyî destbend kerdî. Polîsan wexto ke ê destbend kerdêne pankarta 'Hemserekîye xeta ma ya mor a.' dirnaye, hemserekê şaristanî Zeyno Bayramoglu û Parlamanetera HDP'yî Beştaşe zî darb kerde. Vatişo ke amirê polîsanê çewîkî yê sey 'Ez do hîşê to bigêro' seba Bayramoglu kerd, bal ante xo ser.
Nameyê tayê kesanê ke ameyî destbendkerdene wina yê; Zeyno Bayramoglû, Asli Bayramoglû, Bedriye Irmake Emîne Kaya, Betul Koca, Asli Viyan Saraçe, Bîrsen Kaya, Sîbel Polate.
