Qamişlo de Komîteya Cinîyan a Perwerdeyî ya Komelê Demokratîkî  bi wesîleya 25ê Teşrîna peyêne Roja Paştdayîş û Mucadaleyê Mîyanneteweyîye ya Vera Şîdetê Serê Cinîyan çalakîyêk organîze kerde.

Cinîyan pankertê  sey ‘‘Semedê Efrînî sere wedare‘‘ û ‘‘ Xoverdayîşê cinîyan do faşîzmî birijno û azadîye bîyaro‘‘ kiriştî û bi sloganan tecrîdê serê Rayberê Şarê Kurdî Abdullah Ocalanî şermezar kerd.

Rayîrraşîyayîşî ra dima mîtîngêk ame viraştene. Qiseykerdişan de bale ancîya tecrîdê serê Ocalanî û hêrişê dewleta tirkî yê serê Rojawanî ser û ame vatene ke hemverê zulm û zordarîye de do xoverdayîşê înan bêro xurtkerdene.

Cinîyan da zanayene ke ê do sey Arîn Mîrkane, Avesta Xabûre û Barîn Kobanê  xeta şehîdanê  azadîye de mucadeleyê xo rê dewam bikerî.