Fermandaranê YJA-Starî ra Sarya Qamişlo derheqê 8ê Adare Roja Cinîyan ê Kedkaran a Dinya de qisey kerd. Qamişloye vat ê sey gerîlayanê YJA-Starî bi têkoşînî, mewzîyan de 8ê Adare fîraz kenê.

Qamişloye vat: ''Şexsê Sara, Zîlane, Bêrîtane, Çîçeke û Delalan de ez pêro şehîdan bi mînetî yad kenê. Vakurê Kurdîstanî ra heta bi Başûrî, Xakurkê ra heta Heftanînî 8ê Adare yê pêro cinîyan fîraz kena.

Sîstemo pederşahî bi hezaran serran o ke wazeno cinîyan çin bikerê. Rayber Apoyî mojna ke cinîyî çin nêbenê.8ê Adare seba ma yeno manaya têkoşînê vera sîstemî, qeşkerdişê xoverdayîşî û hewcetîya cinîbîyayîşî. Ma sey hêzanê YJA-Starî her warê xoverdayîşî de 8ê Adare bi geşkerdişê xoverdayîşî pêşwazî kenê. Pêro cinîyî ganî 8ê Adare wina pêşwazî bikerê û verê xo bidê nê waran.

Kurdîstan de têkoşîno ke cinîyî kenê seba pêro cinîyan bi çime. Nê prosesî de sîstemo serdest hêrişê cinîyan keno. Wazeno cinîyan bikero kole. Têna hêzê cinîyan vera nê sîstmî de vindert û cinîyî vera ci têkoşînêkê bêhempa kenê. Serfîrazîya YJA-Starî yena manaya serfîrazîya pêro cinîyanê dinya. Se beno wa bibo ganî cinîyî goş nêdê sînoran, ganî yew bibê û pîya têkoşîn bikerê. Ganî merdimî bi têkoşînê cinîyan mird nêbê. Armanc no yo ke ma têkoşînê xo geş bikerê û destkewteyanê xo bizêdînê.

Rayber Apoyî verê cû vatbi ke seserra 21. do bi seserra azadîya cinîyan. Ma nika vînenê ke bi têkoşînê cinîyan ma gamêke eşte ver bi na rastîye. Têkoşînê cinîyan moralêkê pîlî dano ma, hêzê ma keno xurtêr. Ma koyanê azadan ê Kurdîstanî ra sere de ê Rayber Apoyî 8ê Adare yê pêro cinîyan fîraz kenê û ma vanê ma do bi têkoşînî xo azad bikerê.''