Merkezê Îrtîbatî û Çapemenîye yê QSDyî derheqê bîlançoya şerî ya 24 saetanê peyênan de eşkerayîyêke daye:

‘’ Dewleta tirke ya îşxalkere û çeteyanê Artêşa Milî ya Sûrîye (SMO) hewa û erdî ra hêrişê xo zêdînayê.

Cepheyê Awbendê Tişrînî de roja şemeyî hêrişî qewimîyayî. Lojmanê xebatkaranê awbendî, Minbic dîyayî bombayan ver. Hêrişan de şerwanêkê ma birîndar bi. Îşxalkeran bi dronan hêrişê noqtaya hêzanê ma ya awbendî kerd la Yewinanê Şehîd Harunî dron vist war.

Cepheyê Qereqozaxî de dewê Xeseq û Tîna dîyayî bombayan ver. Netîceya gazê bombayan de di şerwanê ma bi jehrî kewtî. Dewê Tîna, Cada, Bîr Heso, Xeseq, Dikan, Melha û Senaa, çatrayîrê Sirînî û Girê Sêvê û Qereqozaxî zî dîyayî bombayan ver. Netîceya bombardumanan de zeraro madî qewimîya.

Hêzanê ma cewab da hêrişan û vera baregehanê dişmenî operasyonî kerdî. Netîceyê operasyonî zelal nêbîyî.’’