Çapemenîya Cinîya Azade (RAJIN) şexsê Gulîstane Tara de heme şehîdê çapemenîya azade yad kerdî û nê vatî:  ''Ma do têkoşînê Gulîstane û heme şehîdanê azade bikerê bingeyê xebatanê xo.  Têkoşînê înan ma rê do bibo roşnê  hêz, bawerî û heqîqetî. Ma do vera heme hêrişan, zextan, tepişnayîşan ê vera çapemenîya azade bibê vengê heqîqetî û çirey têkoşînî cameverdê.

Embazê ma Gulîstane Tara û Hêro Bahadîn bîyî hedefê nê hêrişî. Embaza Gulîstane Tara serra 2000î ra nata xebetanê çapemenîya azede de xeylêk waran de têkoşîn rayra berd. 2018î ra nata Başûrê Kurdîstanî de xebetî rayra berdî. Hemra Gulîstane Tara xîret kerdêne rewşa cinîyan ê kurdan, hêrişê dewleta tirke yê vera şarê kurdî, hemkarîye û îxanetê PDKyî vejo meydan. Embaza ma Hêro Bahadîn zî sey rojnamegerêka ciwane xebatî rayra berdêne. Nê wird embazê ma ewro bîyî hedefê hêrişê dewleta tirke û şehîd bîyî. Ma zaf qehrîyayî. Ma sere de keyeyanê înan rê, embazanê înan ê çapemenîya azade û şarê kurdî rê serweşîye wazenê.

Hetê bînî ra sîstemê kapîtalîst û camêrdê serdestî vera cinîyan hêrişan keno. Wezîfeyê çapemenîya cinîya azade oyo ku vera nê hêrişan têkoşîn bikero û zîhnîyetê camerd serdestî ê dewlete îfşa bikero. Xeylêk embazanê ma rojnamegeranê cinîyan vera hêrişanê qirkerdişî xover da. Ewro zî ma ganî nê wezîfeyî bîyarê ca. Ganî têkoşînê Gulîstane Tara û heme şehîdanê çapemenîya azade bêro domnayene û ser bikewo. Ma sey çapemenîya cinîya azade do rayîrê embazanê xo de têkoşînî rê dewam bikerê. Ma do sey çapemenîya cinîya azade sey embaza xo vera hemkarîye û îxanetê PDKyî vinderê. Ma do sey Gulîstane Tara, Nûjîyane Erhan û embazê ma bînî yê ke nê rayîr de şehîd bîyî vera bêanorîye bêveng memanê û têkoşînê xo bidomnê. Hêrişî nêeşkenê vera têkoşînê ma bîgêrê. Têkoşînê cinîya azade do bi felsefeya  ‘Jin, Jiyan, Azadî’ ser bikewo.''