Parlamentera Partîya Demokratîke ya Şaran  (HDP) Semra Guzel derheqê şîdet û qirkerdişê vera cinîyan yê 7 aşmanê 2020î yê Amedî de raporêk eşkera kerd.

Guzele kombîyayîşê banê partîya xo de da zanayene ke Tirkîya û Kurdîstan de 7 aşmanê verênan ê 2020î de 155 cinîyî hetê camrêdan ra ameyî qetilkerdene û 85 cinîyî zî bi hawayêke şikdarî cuya xo vînî kerde.

Guzele vist vîrî ke karantîna de camêrdê  ke keye de manenê vera înan tedbîrî nêameyî girewtene û vat: ''Hetê bînî ra qetilkarê cinîyan serbest ameyî veradayene. Amed de goreyê serranê verênan de hûmara qirkerdişê cinîyan zêdîyaye. Camêrdê ke bi qanûnê înfazî ameyî serbest veradayene, di cinîyî qetil kerdî.''

Guzele bale ante serê polîtîkaya xestpkerdişê qeyûman yê vera cinîyan ser û vat: ''Cinîyan rê warê ciwîyayîş nêmend. 7 aşmanê 2020î de 4 hemşaredarê Amedî wezîfeyî ra ameyî girewtene. Amed de her roje vera atîvîstanê cinîyan opeasyonî yenê kerdene û sere de aktîvîstê TJA cinîyî bi hawayêkê sîstemkî yenê tepiştene. Pê nê polîtîkayan wazenê ke cinîyan keyeyan rê heps biekrê û şîdetî rê rî bi rî bimanê. Goreyê doneyanê Temlîskarîya Amedî yaTİHVî serra 2020î de 21 cinîyan seba ke nezarat de  muameleyo xirab dîyo muracatê înan kerd ke 5ê înan raştê îşkenceyî ameyî. Amed de 7 aşmanê 2020î de  7 cinîyî bi şîdetê camêrdan ameyî mirênayene û 9 cinîyî zî bi hawayêkê şikdarî dinyaya xo bedilnaye.''

Guzele ard ziwan ke gerek destbendkerdiş, tepiştiş û heme hêrişê vera aktsîvîstanê cinîyan cade bêrê qedenayene û sîstemê hemserekîye sey fermî  bêro qebulkerdene. Şertê Dezgehê Înfazê Ceza yê Zînanê Qefilnayeyî yê Cinîyan ê Amedî bêrê holekerdene. Tepişteyê nêweşî bêre verdayene. Pêkerdişê Îstanbulî bêro caardene. Cayê mendişê cinîyan goreyê hewceyî bêrê zêdînayene.