Embaze Esmere vatêne: ''Embazîya PKKyî kena ke merdim xo ra verî embazanê xo bifikiro, fedakarîye bikero.'' Embaze Esmere bîye bêmerg la raywanîya ci dewam kena.

Embazîye cuya koyan kena manadar. Ganî merdim na babete de qala Fermandare Esmere bikero. Mi a Heftanîn de şinasnaye. A ê xoverdayîşî de cinîyêka esîle û zerrîpak bîye. Pêro dinya nika şahîdê xoverdayîşê Heftanînî ya. Heftanîn dergehê Esmere, Nûcane û Evînan o.

Heftanîn de şexsê Esmere de yeno dîyene ke şerwanê azadîye rayîr nêdanê îşxalî, heta peynî xo ver danê. Şeşdara herêmêke bîye ke sey warê cinîyan zanîyena û ma tewr peyên şîye uca. Fermandare Esmere Şeşdara de fermandarîye kerdêne.

Ez û embaze Sîyajine wexto ke ma şîyêne Şeşdara Embaze Esmere ameye mi vîrî. Rayêke embazêkîe ci rê vat: ''Ma ro mewzîyan ra gênê, o çax ti eşkena xebatanê xo bikera.'' Embaze Esmere bi qerardarîye vat: ''Ez embazan ra qey cîya nêbena.'' Ez bi vengê 'heval'î yê embaze Esmere recifîyaya û  cayê xo ra zît bîya.  Mi vat: ''Ti ha çara yena?'' Vat mewzîyanê embazan ra şina mewzîyê xo. Wexto ke ma pîya kewtî rayîr a vera ma reyde eleqedar bîyêne.

Wexto ke ma resayî cayê embazan û ma çaya germine ya gerîlayan reyde xoşeberêka derg û dila kerde. Mi qiseykerdişê embaze Esmere ra fam kerd ke çira PKK hende pîl o û hêzêko xurt o. 

Cayo ke ê  tede bîyî zaf stratejîk bi. Coka embaze Esmere bi na hîşmendîye embazê xo rêxistin kerdêne. A fermandarîye de bhuner bîye. Embazanê aye vatêne: ''Embaze Esmere embazîya PKKyî zerrî ra fam kerdêne û ciwîyayêne. Naye ra hende hêz dayêne embazanê xo.''  Embaze Esmere zî xoşebere de vat: ''Embazîya PKKyî kena ke merdim xo ra verî embazanê xo bifikiro, fedakarîye bikero.'' Aye zanayêne ke dewleta tirke hêrişanê xo do bizêdîna. Coka cayê xo de nêvindartêne û tim zanayêne ke ganî se bikera.

Nika Esmera koyan warê xoverdayîşî de xeylêk çêranê bêmergan ê Heftanînî reyde raywanîya xo dewam kena. Rayîr nêqedîyeno. Embazê Esmera koyan vanê: ''Embaze Esmere bi moral û bawerîya cuye do rayberîya Cengê Heftanînî û azadîya Kurdîstanî bikera.''