Xebatkaranê Rojnameyê Newjînî yo ke herêma Gerîmîyanî ya Kurdistanê Federalî de hetê  16 cinîyan ra yeno vetene, Rojnewsî rê qisey kerd. Rojnameyo ke  Serr a 2016’î de dest bi waşene kerd  û mangane vejîyeno, bi paştdayîşê Radyoya Dengî resa  hûmara xo ya 32’ine .

Rojnameyê Newjin Semedê Cinîyan Berê Resayîşê Xîyalanê Înan o

Xebatkaranê rojnemeyî ra Zîryan Mihemedî nê vatî: ‘’Heme meseleyê ke cinîyan eleqedar kenê  zaf muhîm vînîne.  Ma dej û problemanê cinîyan genê dest. Reyna serkewtiş, destkewteyî û tewirê bihêzî yê cinîyan ser o vindenê. Xebaran domanan ê renginan ma virazenê. Germîyan de xebatê cinîyan rehat nêyo. Rojnameyê Newjinî semedê cinîyan berê resayîşê xîyalanê înan o. Sîstemê xebatê ma rojnameyanê bînan ra cîya ya. Ma pêro pîya xebityenê. Her menge de me yew benê edîtor.’’

Wendekarî Zaf Eleqa Ramojnenê

 Xebatkara bîne ya rojnameyî Hewjîn Mehdî zî nê vatî: ‘’Rojnameyê Newjin ma bêdestmiz vila kenê. Dimayê weşanayîşê rojnameyî hetê xebatkaranê rojnameyî ra yeno berdene bi kitabxane, dezgeh û sazgehanê fermîyan. Wendekarî zaf eleqa ramojnenê.’’

Waştişê Ma Oyo ke Ma Vengê Cinîyan bê

 Xobîn Celale zî wina vat: ‘’ Gama ke ma derheqê problemanê cinîyan de xeberêk virazenê,kesê ke derheqê xebere de do qisey bikerê remenê. Ya vanê ê hadre nêyê ya zî nameyê xo nêdanê. Cayê fermî zî gama ke ma eşkerayîye wazenê ma germin pêwazî nêkenê. Rîyê zîhnîyetê camêrd-dewletî ra tengayî ancenê û bênê hedef. Medyaya sosyale de ma sey hedef yenê ramotene. Amancê ma bêseypêyîya cînsîyet û astengîyan werte ra wedartiş o. Waştişê ma oyo ke ma vengê cinîyan bê.’’