Têgêrayîşê Cinîyan ê Kurdan ê Mîyanneteweyî yê Rûsya pê eşkerayîyêka nuştekîye hêrişê vera cinîyan û dezgehanê cinîyan şermezar kerdî.

Eşkerayîye de nê çîyî ameyî vatene:

''Hukmatê AKP-MHPyî her roje rîyê xo yê faşîstî mojneno. Roje ra ke ameyî hukmatî ser tecawuzê cinîyan, kişîyayîşê xinîyan zêdîyayî. Cinîyê ke vera nê kerdişan têkoşîn kenê ameyî tepiştene. Cinîyê ke roje bi roje xoverdayîşê xo xurt kenê û rayberîya cinîyan ê xerîban kenê bîyî kabûsê îqtîdarî. 

Tewr peyên endamê Komeleya Cinîyan a Rosa û çalakîkerê TJA ameyî girewtene. Nê hêrişî vera pêro cinîyan ameyî kerdene. Ma do nê hêrişan pê hêzê xo yê rêxistinbîyayeyî pûç bikerê. Ma nê hêrişan şermezar kenê û wazenê ke cade nê çalakîker û endamê Komeleya Cinîyan a Rosa û ê TJA bêrê veradayene. Ma venga pêro cinîyan û rêxistinanê cinîyan danê ke vera nê hêrişanê serê cinîyan bivejîyê meydananê xoverdayîşî.''