Sîsê Bîngola ke nizdîyê di serran o zindanê Tarsûsî de yena tepiştene bi sebebo ke wextê sewqê nêweşxaneyî de zaf zehmetîye ancena tedawî red kerdêne la xidarbîyayîşê rewşê aye ra vizêr şan de sewqê nêweşxaneyî bîye.

Avûkata Sîsê Bingole Gulşen Ozbeke ard ziwan ke rewşê aye xidar o û ganî cade tedawî bivîno û bi raporê ‚zindanî de nêeşkena bimano', bêro tehlîyekerdene.

Ozbeke nêweşî û serrê  Bîngole vistî vîrî û va: ‘‘Nê serran de cinîyêka wina nêweş a xidare zindan de tepiştiş bêwijdanîye ya.  Ganî şar bi hîsdarî şexsê Sîsê de tepişteyanê nêweşan rê eleqedar bibo û semedê nînan çîyêk bikero. Zîndan de tepiştişê Sîsê Bîngole îşkence yo û muameleyeka teberî ya merdimîye ya.