Sîsê Bîngola 85 serrî ya ke nizdîyê di serran o zindanê Tarsûsî de yena tepiştene û rixmê heme nêweşîyan û serranê ci nîna tehlîyekerdene, 2ê Teşrîna peyêne de rewşê aye bibi xidar û sewqê nêweşxaneyî bibî.

Sîsê Bîngole 8 rojî nêweşxane de dermankerdişî ra dima bi halê ci yê nêweşî reyna  amî berdene bi zîndan.

Sîsê Bîngole raporê ‘‘nêweşxane de nêeşkena bimano‘‘ girewtbi la Wezîrîya Edaletî  rapor nêgirewtê dîqetî. Par aşma Teşrîna verêne de zî Bîngole bêxeberdayîşê merdimanê ci surgunê Zîndanê Tarsûsî bibî.

Sîsê Bingole ke  par ra zîndan de ya bi sucdarîya  hetkarîya rêxistinî 4 serrî û 2 mengî cezaya aye esta.

Serra 2016î de sereştişê dewa Badanî yê qezaya Warto ya Mûşî de Sîsê Bîngole bi 3 kesan a pîya bi îdîaya ‘‘hetkarîya rêxistinî‘‘ amîbî tepiştene.

Hezîran a 2016î de roniştişê verênî de semedê nêweşbîyayîşê ci Sîsê Bîngole ameye tehlîyekerdene la Nîsan a 2017î de reyna cezaya hepsî amebi cidayene.