Nê wextan de ke Kurdîstan û pêro dinya de faşîzm zêdîya, rêxistinanê ciwanan ê Ewropa; Têgêrayîşê Ciwanan ê Şorişgêran (TCŞ) û Cinîyan ê Ciwanan ê Têkoşeran (TÊKO-JIN) dest pê hamleyêka newîye ya çalakîyan kerd.

Hamle pê şîyarê ''Pîya serewedaritiş'' dest pêkerde û cenga ciwananê Kurdîstanî û antî-faşîstan ê Ewropa ame kerdene.

Eşkerayîya ciwanan de hêriş, qirkerdiş û polîtîkayê şerî yê dewleta tirke ameyî vîrvistene û ame vatene ke Yewîya Ewropa vera nê kerdişan ê xiraban bêveng a.

Eşkerayîye wina dewam kena:

''Girîng o ke ma hêzê xo bivînê û vera îşxalan pîya xo ver bidê. Ciwanî hêzê xoverdayîşî yê; ganî ma pîya wurzê payan ser û vera faşîzm, kapîtalîzm û pederşahî têkoşîn bikerê. Ma reyna wazenê îfade bikerê ke têkoşîno yewbîyaye senî seba azadîya dinya girîng o.  

Ma venga ciwan û cinîyan ê ciwanan danê ke pê ruhê şorişanê Îspanya, Nikaragua û Rojava wurzê payan ser, têkoşîn bikerê û ma pîya dinyayêka azade awan bikerê. Bêrê ma têna xeyalan awan bikerê, xeyalanê xo pîya bîyarê ca û bipawê.

Pê na wesîle ma danê zanayene ke vera faşîzm, kapîtalîzm û kapîtalîzmî ma dest pê hamleya 'Pîya serewedaritiş' kenê.''

Eşkerayîye de seba tewrbîyayîşê hamle veng ame dayene û ame vatene: ''Roje a roja ke ma pê hamleya pîya serewedaritişî faşîzm birijnê û dinyayêka azade biafernê. Ma pê hamleya pîya serewedaritişî tecrîd biqednê, faşîzm çin bikerê û Kurdîstan azad bikerê.''