Têgêrayîşê Cinîyan ê Kurdan  ê Mîyanneteweyî  Kongreya  xo yê 2'ine şaristanê Krasnadorî yê Federasyonê Rûsya de viraşte.

Kazakîstan, Gurcîstan, Ermenîstan û şaristananê cîyayanê Rûsya ra nêzdîya 130 temsîlkarî tewrê salona konferansî ya Federasyonê Rûsya bîyî. Zafê temsîlkarê dezgehanê cinîyanê ke Rûsya de xebatan kenê, sîyasetmedarî û roşnvîrî kongre de amade bîyî. Kongre seba kesanê ke Têgêrayîşê Azadîya Kurdan de wefat kerd, bi deqayêkê rêzgirewtişî dest pêkerd. Qiseykerdişê destpêkî yê kongre Sereka Têgerayîşê Cinîyan ê Kurdan ê Mîyanneteweyî  Culyeta Aram kerd.

Aram qiseykerdişê xo de bale ante serê îşxalkarîya dewleta Tirkî ya serê Girê Spî û Serêkanîyê ya ke 9ê Teşrîna Verêne serrgêra komploya mîyanneteweyî serê Rayber Abdullah Ocalanî  de dabi destpêkerdene û vat: "No tesaduf nîyo. Dewleta Tirkî bi tesdîqkerdişê Amerîka hêrişê serê Rojawanî da destpêkerdene. Armanc no yo ke na herêma ke bi fikrên Rayber Apoyî yena îdarekerdene û rêxistinkerdene, îradeyê ci bişikne."

Arame da zanayene ke têkoşînê cinîyan o ke bi têkoşîno pîl ê Bêrîtanan, Zîlanan û Sarayn yeno kerdene, her ke şino beno pîl, nika zî no têkoşîn Rojawan de û çar parçeyê Kurdistanî de bi Hemrînan, Vîyanan, Şîrînan û Şevînan dewam keno û îradeyê cinîyan ê Rojawanî vet meydan ke ê seba cinîyanê dinya bîyî hêvîyêke.

Kongre de îdareyo newe yê Têgêrayîşê Mîyanneteweyî ya Cinîyanê Kurdan ame weçînayene. Culyete Aram sey sereke ameye weçînayene. Dima bi tewrbîyayîşê temsîlkaranê kongre eşkerayîya çapemenîye ameye dayene.