Endama Konseya Serekîya Pêroyî ya KCKyî Zilare Stêrk bernameyê Rojeva Welat ê Stêrk TVyî de persanê rojnamegere Mehtape Orak rê cewab dayî.

Ernayîşanê Zilare Stêrk ra beşêk wina yo:

''Têdûştîya cinîyan dinya de aver şîye. Cinîyî hînî her warê cuye de ca gênê. Vera şîdetî û tedaya serê cinîyan dinya 8ê Adare de nêrazîbîyayîşê xo mojna. Ganî ma nê vengî bikerê yew.

Bi taybetî tekoşînê azadîye yê cinîyanê Rojawanî zaf tesîrê dinya kerd. Ma Şorişê Rojawanî rê vanê Şorişê Cinîyan. Rojawan de her aste de hîşmendîya serdestîya camêrdan bêtesîr bîye. Pêro dinya naye seyr kena û ci ra fayde vînena, cesaret gênê. Ruhê xoverdayîşî û têkoşînî pêro dinya de vila beno.

Rayber Apoyî pêvînayîşê xo yê peyênî de ard ziwan ke rewşa weşîye ci baş a. Ma pêroyînan meraqê ey kerdêne. Şewato ke Îmrali de qewimîya xozayî nêbi. Îmrali girawêka zaf polîtîk o. Ewro pêro dinya wayîrê fikranê Rayber Apoyî vejîyena. Ci ra îlham gêna. Şarê kurdî û dostê înan tecrîdê vera Rayber Apoyî qebul nêkenê. Wexto ke nêrazîbîyayîşê şarê kurdî yê vera dewleta tirke beno berz cade yew pêvînayîş kenê û dima verê pêvînayîşan gênê. Ganî ma bizanê ke tecrîd dewam keno.Bêgûman îradeyê şarê kurdî serra 2020î de nê tecrîdî bişikno. Çunke têkilîya şarê kurdî ya bi Rayber Apoyî têkilîyêka heskerdişî û manewî ya.

Xora HDPyî zî kongreya xo kerde. Ez selam kena înan. Kongreyêka zaf bihêz bîye. Seba demokratîkbîyayîşê Tirkîya rolê înan zaf girîng o. Çunke demokratîkbîyayîşê Tirkîya pabesteyê çareserîya meseleya kurdan o. Serekî çîyêko stratejîk vat. Vat ganî ma bibê hêzêko winasên ke bibo muhatab. 

Verê ma de Newroze esta. Ma vera tecrîdî sey cinîyan 8ê Adare de tewirê xo mojna. Cinîyan reyna vat ma serra 2020î bikerê serra azadîya Rayber Apoyî. Biewnê Rayber Apo vano 'Ez şewe û roje nê hucreyê tengî de xebitîyena.' Coka ganî şarê kurdî, cinîyê kurdî û dostê înan bêmabên seba azadîya Kurdîstanî û seba azadîya Rayber Apoyî meydanan de aktîv bibê.''