Platformê Ma do Cînayetê Vera Cinîyan Vindarnê (KCDP) raporê xo yê menga temmuze eşkera kerd. Rapor de ame parekerdene ke Tirkîya de 36 cinîyî hetê camêrdan ra ameyî kiştene û cenazaya 11 cinîyî ameyî dîyene. Rapor de dîya zanayene ke sebebê kişîyayîşê 18 cinîyan 'nêame tesbîtkerdene' û no zî mojneno ke cînayetê cinîyan nênê roşnîkerdene.

Rapor de ame vatene ke 36 cinîyan ra 11 cinîyî hetê camêrdî ra ke tede zewijnaye bîyî, 5 cinîyî hetê merdimanê xo ra ameyî kiştene. Kiştoxê 3 cinîyî nêameyî tesbîtkerdene. Ê cinîyê bînî zî hetê babî, laj û merdêyanê xo yê verênan ra ameyî kiştene.