Têgêrayîşê Cinîyan ê Azadan (TJA) derheqê rewşa multecîyan de ke dewleta tirke nînan sey hacet xebitnena û verê nînan dana mergî eşkerayîyêka nuştekîye daye.

Eşkerayîya TJA de nê çîyî ameyî vatene: ''Pêvînayîşanê bi Yewîya Ewropa ra nata multecîyî bîyî sey hacetê bazarî. Seba ke Ewropa dêsê asayîşî awan kerd rewşa multecîyan vurîyaye rewşêka sîyasî û rantî. Polîtîka û eşkerayîyê hukmatî nîjadperestî zêdînayî û zaf şaristanan de vera mutecîyan hêrişî ameyî kerdene. Nika sînorê Tirkîya-Ewropa de îqtîdar û netewe-dewlete heqê mendîşî, wayîrvejîyayîşî, pawitişî û cuye binpay kenê û seba qirkerdişê merdimîye rayîrêk akenê. Ma pawenê ke na drama merdimîye biqeda û dewlete mesuldarîya xo bîyara ca. Nêbo ê do na rewşe ra mesuldar bibê. Ma venga cinîyan û hêzanê demokratîkan danê ke vera naye mesuldarîya xo bîyarê ca.''