Têgêrayîşê Cinîyan ê Azadan (TJA) derheqê tesdîqê cezaya 10 serran a Aysele Tugluk de ewro eşkerayîyêka nuştekîye daye.

Eşkerayîya TJA wina ya: ''Bi qeyûman, tepiştişî û cezayan hemserekîye bena hedef û na çîye bîye pratîkê polîtîkayanê ke dişmenîya cinîyan kena. Îqtîdarê AKPyî û MHPyî bi îdîaya 'endamîya rêxistine' cezaya 10 serran daye sîyasetmedare û çalakîkera heqanê cinîyan Aysele Tugluk. Tugluke warê temsîlîyetê cinîyan û mekanîzmaya îdareyî de bîye temsîlkara verêne ya hemserekîye. Na ceza yena manaya hêrişanê vera sîstemê ma yê hemserekîye. Ma na ceza şermezar kenê û pare kenê ke ma do têkoşînê xo yê vera sîstemî berz bikerê. Cinîyî ney kesê ke şîdet, tacîz, tecawuz û hêrişan kenê wa bêrê gukmkedene.''