Têgêrayîşê Cinîyan ê Azadan (TJA) eşkerayîyêka nuştekîye weşana  û da zanayene  ke "Komanê ke Tirkîya paşt danê înan vizêr (Şeme) serê rayîrê mîyanneteweyî yê Qamişlo de  Xelefe qetil kerde û ame vatene ke şero ke yeno kerdene seba ke vurnayîşê demografîyê herême yo û goreyê menfaatê îqtîdaranê mêtingeran yeno kerdene, mabênê nê şerî de kiştişê Hevrîna ke mabênê sîyasetê demokratîkî de bîye, sucê şerî yo.

Eşkerayîye de nê ameyî parekerdene: "Ma do verba hêrişanê zîhnîyetê çeteyanê barbaran têkoşîn û rêxistina xo xurt bikerê. Şexsa Hevrîne de ma paşt danê têkoşînê cinîyanê Vakur û Rojakewtena Sûrîye. Ma no hêrişo ke cinîyêke rê ame kerdene, bi hewayêkê pîtî şermezar kenê û veng danê cinîyanê Kurdî ke dormeyê rêxistinbîyayîş û têkoşînê de bibê yew. Ma veng danê pêroyê cinîyan, rêxistinanê mîyanneteweyan û avûkatanê heqanê merdiman ke dormeyê şorişê cinîye yê Rojawanî de bibê yew û wayîrê ci bivejîyê."