TJA beyanatê xo de bale ante kiştiş û hêrişanê cinîyan ser û vist vîrî ke Tirkîya de û dinya de zaf rejîmanê otorîteran, cerganê sey DAÎŞî, Boko Haram ûsn bi hezaran cinîyî kiştî û înan ver şîdet kerd.

TJA vist vîrî ke dewrê îqtîdarê AKP-MHPyî de tecawuzê domanan, kiştişê cinîyan, şîdetê verê cinîye, teda û zorbazîye, faşîzm û pederşahîye bîyî zêdêr û pare kerd ke îtîfaqê AKP-MHPyî xîret keno ke zaf dezgehan, sazgehan û meclîsanê cinîyan krîmînalîze biko. Ame vatene ke xeta têkoşînî ya ke bi hezaran cinîyan vera faşîzmê serê cinîyan û şaran awan kerd ewro şexsa Hevrîne Xelef de Rojawanî de bi têkoşînê azadîya cinîyan aver şina. TJA tewr peynî de vat: "Bi mîlyonanê cinîyanê dinya reyde vera her tewirê şîdetî ma do bi rêxistina têkoşînî, destkewteyanê xo bipawê. Ma do paştî bidê û torra hempare ya têkoşînî geş bikê. Seba ke ma ra yewêke zî hînî kêm nêmana ma do 25ê teşrîna peyêne de meydanan de bibê."