TJA eşkerayîyêka nuştekîye weşanaye û reaksîyon da şîdetê polîsan ê vera dayîkanê girewteyan.  Eşkerayîye de rojeyê mergî û grevê vêşanîye yê vera tecrîdkerdişê Rayberê Şarê Kurdî Abdullah Ocalanî ameyî vîrardene û xoverdayîşê Dayîkanê Aşitîye silam ame silamkerdene.

Eşkereyîye de ame vatene, “Metnê pêvînayîşê peyênî yê Îmraliyî de reya bîne eşkera bi ke Rayberê aşitîya cimatî û şarê Kurdî Birêz Abdullah Ocalan tekane hêz û têsîr o ke eşkenê aşitîya cimatî ser o bikero yo.

Eşkereyîye de xoverdayîşê keyeyanê girewteyan û Însîyatîfê Dayîkanê Aşitîye sey têkoşînê “Biciwîye û bide ciwîyayene” ame namekerdene û ame vatene ke hêrişê ke vera dayîkan yenê kerdene sûcê vera merdimîye yê û ê do tu cara efû nêkerê.

Peynîya eşkerayîye de vengdayîş bi cinîyan, şaran, ciwanan, ronşvîran, hêzanê demokratîkî, hunermend, nuştox û her kesanê ke xo merdim vînenê ame kerdene û vat, dayîkan reyde têgêrayîş bikerê, reaksîyonê xo yê demokratîkî her ware de bimojnê û têkoşîn xurt bikerê.