Têgêrayîşê Cinîyan ê Kurdan ê Ewropa (TJK-E) Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' derbazê safhayêka newîye keno. Koordînasyonê TJK-E derheqê babete de eşkerayîyêke daye. 

Eşkerayîye wina ya:

''Rayber Apo 25 panc serrî yo vera sîstemê tecrîd û îşkenceyî yê Îmraliyî xo ver dano. Şarê ma û cinîyê kurdî zî vera nê sîstemî têkoşîn û xoverdayîşêkê pîlî kenê. Paradîgmaya Cuya Azade û Demokratîke ya Rayber Apoyî seba şaranê Rojhelatê Mîyanênî û dinya û bi taybetî seba şarê kurdî bîye hêvî. Dewleta tirke seba ke na hêvîye bikişa tecrîdî ana ca. Rejîmê AKP-MHPyî tecrîdî ra bi hawayêkê bêperwayî hêrişê kurdan keno. Dezgehê mîyanneteweyî yê sey CPTyî zî vera nê hêrişan û tecrîdî de bêveng ê.

Rayber Apoyî raştîya cinîyan newe ra ercnaye û bingeyê 'Azadîya komelî bi azadîya cinîyan mumkîn a' girîngîya daye têkoşînê azadîya cinîyan. Şorişê Rojawanî bi mîsalê nê têkoşînî. Hetê bînî ra Serewedaritişê Jin, Jiyan, Azade yê Rojhelatê Kurdîstanî zî mojna ke Rayber Apo wayîrê tesîrêkê senînî yo.

Çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de mîyanê nê serran de xeylêk çalakî û aktîvîteyî ameyî kerdene. Ma zî sey cinîyan serkêşîya na hemle kerde. Na hemle bi giranî tesîr kerd.

Rewşa nikayêne de lazim o ke prosesê komployî bi temamî biqedo, tecrîd wedarîyo, azadîya Rayber Apoyî bêra caardene. Seba ney zî têkoşînêko hîna radîkal û pîl lazim o. Coka ma sey TJK-E bi kampanyaya 'Tîrêjên Rojê' na hemle derbazê safhayêka newîye kenê. Ma do fikranê Rayber Apoyî biresnê her kesî, her keyeyî, her kuçeyî, her dibistane û her cayî.  Her çalakîye ma do hîna zaf nêzdîyê azadîye bikera. Ma venga pêro cinîyan zî danê ke tewrê kampanya bibê.''