Semedê azadîya Rayberê Şarê Kurdî Abdullah Ocalanî siba bajarê Strasbourgî yê Fransa de çalakîyêk do dest pê bikero.

Têgêrayîşê Cinîyanê Kurdî yê Ewropa (TJK-E)  eşkerayîyêka nuştekîye daye û waşt wa şarê kurdî û hetê demokratî tewrê çalakîye bibî.

Eşkerayîye ra tayî cayî wina yî:

‘‘Hêrişê dewleta tirkî yê qirkerdîşî yê vera kurdan dewam kenî. Merkezê nê hêrişan de zî Rayber Apo esto.Tecrîdo ke sey dewamê komployî kewto dewre  çend şino yeno xorîkerdene.

Xora Komîteya Vernîgirewtişê Îşkenceyan (CPT) û Mehkemeya Heqanê Merdiman a Ewropa (MHME) zî goreyê huqûq û şertanê xo tê nêgerênî û qerarê înan zî sîyasî yê. Eşkera aseno ke nê dezgehî goreyê komplokaran têgêrenî.

Rayber Apo bi serran o hemverê heme hêrişan de xoverdayîşêkê erjayeyî dano. Ma zî ewro xeta xoverdayîşî ya Rayberîya xo de bi qerarîye mucadeleyî gird kenî. Roj roja girewtişê berpirsîyarî û wayîr ro Rayber Apoyî vejîyayîşî ya.Wa şarê ma heta azadîya Rayber Apoyî her roj û her cayî bikero cayê çalakîyan.

Nê bingehî de 6ê Teşrîna peyêne de saet 10.00 de ma do  semedê azadîya Rayberê Şarê Kurdî Abdullah Ocalanî verê Konseya Ewropa (KE), CPT û MHMEyî de   çalakîyêk virazê. Ma veng danê ke  sere de cinî û ciwanî heme şar û dostî wa tewrê na çalakîye bibî.‘‘