TJK-Eyî bi eşkerayîyêk vera qeraro ke Amerîka derheqê îdarekaranê PKK û KCKyî ra Duran Kalkan, Cemîl Bayik û Murat Karayilanî de girewto hêrsê xo ard ziwan.

Eşkerayîye de ca dîya nînan:

‘‘Ma sey cinî û şarê kurdî çarçiwaya hemleya ‘‘Rayber Apoyî rê azadîye‘‘ de  bi qerarîye gureyene. Vera mucadeleyê ma hêzanê komplokaran konseptê qirkerdişêkê neweyî vist dewre. Çalakîya ke semedê azadîya Rayber Apoyî Strasbuorg de ameybî destpêkerdene  ameyî qedexekerdene. Reyna qerar ke Amerîka  sey perçeyê dewamê komploye vera rayberanê kurdan ra Brêz Duran Kalkan, Cemîl Bayik û Murat Karayilanî vist dewre nêno qebûlkerdene. Vera şarê kurdî nê hawayê ewnîyayîşî yê dişmenî û no qerar bîlasebeb o. Hetê sîyasî, ehleqî  û huqûqî ra qet yew sebebê ney çîn o.

Wa no hole bêro zanayene ke bi nê qedexe, hêrişan û qeraranê îtîfaqanê leyşinan kes nêeşkeno  mucadaleyê şarê kurdî vindarno. Cinî û şarê kurdî azadîya Rayber Apoyî sey azadîya xo vînenê. Vera komplokaran ma bi girdkerdişê mucadeleyî cewab danê.

9ê Teşrîna peyêne de (ewro) çalakîyî ke verê konsolosxaneyanê Amerîka de do bêrî viraştene ganî sere de cinî û gencî  heme şarê ma tewrê ci bibo. Reyna 10ê Teşrîna peyêne de zî xeylî merkezanê Ewropa de do çalakîyî bêrî viraştene. Ganî cinîyê ma nê çalakîyan rê rayberîye bikerî, her cayê biaçarnî cayê çalakîyan û her ca de slogana ‘‘ Cinî cuye azadîye‘‘ bêro berzkerdene.‘‘