Endama Koordînasyonê Partîya Azadîya Cinîyan a Kurdîstanî (PAJK) Şîmale Ulkem 8ê Adare Roja Cinîyan ê Kedkaran a Dinya ercna.

Ulkeme  vat: ''Ma sey PAJKî hêrişê vera Serekatîye şermezar kenê. No hêrişê şewatî yo ke Îmrali de qewimîya wa bêcewab nêmano. Şar û cinîyê ma ganî vera naye çalakîyanê xo dewam bikerê. Ez 8ê Adare yê pêro cinîyan fîraz kena. Hewce yo ke amadekarîyê seba 8ê Adare do bibê zêdêr. Ganî cinîyî na roje sey roja estbîyayîşî û pawitişê azadîya xo bivînê. Bi sloganê 'Têkoşînê cinîyan estbîyayîş o, xoverdayîş û azadî yo' tewirêk bêro girewtene. Rayberîya cinîyanê kurdan de seba estbîyayîşê xo ganî cinîyî têkoşîn xurtêr bikerê. Çunke estbîyayîş û azadîye pawitiş wazenê, pawitiş zî bêtêkoşîn nêbeno. Manaya 8ê Adare têkoşîn û xoverdayîş a. Cinîyê Kurdîstanî û Tirkîya ganî na roje de vera şefê faşîstî Erdoganî tewirêkê xurtî û radîkalî bimojnê. Ganî ma sey cinîyan vera hêrişanê sey tacîz, tecawuz, destsernayîşî tewirêk bimojnê. Cinîyî ganî rolê xo yê tarîxîyî nê prosesî de hîna aktîvêr bîyarê ca. Hewce yo ke cinîyî azadîya xo û azadîya Rayber Apoyî yew bibînê.''