Endama Komîsyonê Ekolojîye ya HDPyî Beyza Ustun pare kerd ke netîceya kapîtalîzmî de vîrusê Korona vejîya meydan û vat ya ma tira ders gênê yan zî ma do seba vîrus û rijîyayîşanê neweyan ra amade bibê.
Endama Komîsyonê Ekolojîye ya HDPyî Beyza Ustun derheqê tesîrê vîrusê Korona de ANFyî reyde qisey kerd.
Qiseykerdişê Endama Komîsyonê Ekolojîye ya HDPyî Beyza Ustun ra beşêk wina yo:
''Rewşa nikayêne netîceya kapîtalîzm û mudaxeleyê xoza de ameye meydan. Warê xoza seba bînayanê betonênan ameye pêşkêşkerdene. Vîrus eşkeno her cayanê sey termînalan, madenan de xo rê bigêro. Teknolojî nêeşkeno warê cuye bipawê. Na bêçaretîya teknolojî zî nîşaneya pîlêr a. Eke sîstem wina dewam bikero ewro vîrusê Korona siba zî vîrusê neweyî do bieşkê bivejîyê werte.
Çîyêk do sey verî nêmano. Cuye sey 'vîrusî ra verî û dima' do cîya biba û bedelê pîlî do bêrê dayene. Hînî her kez fam kerd ke eke xoza çinba kes nêeşkeno biciwîyo. Ganî merdimî înan ra dersan bigêrê. Eke ma wina xoza pêşkêşê sermaye bikerê, cewabê xoza do giran bibo. Xoza her rey cewab dana la ma fam nêkenê. Ya ma vîrusê Korona ra ders gênê yan zî ma do seba vîrus û rijîyayîşanê neweyan ra amade bibê.''
