Têgêrayîşê Cinîyan ê Kurdan ê Fransa (TJK-F), Vakurê Fransa de meclîsê cinîyan û însîyatîfan reyde Kampa Perwerdeyî ya Jîneolojî amede kerde.

Chevrîeres de mabênê 22-25'ê Nîsane de kampa bi organîzasyonê TJK-F'yî bi tewrbîyayîşê 44 cinîyan ameyê viraştene. Kampe de cinîyan reyde 19 domanî zî amade bî û hem xo rê kay kerd û hem zî ameyî perwerdekerdene.

Kampe de Rennes Sara Sewe, Evry Çîçek Botane, Drancy Zîn ve Vîlleneuve-Saînt-Georges meclîsêEkîn Vane û Vîllîers-le-Bel, Crèîl, însîyatîfê cinîyan ê Parîs û Normandîa amade bî.

Bi cuya komunal a ke kampe ameya organîzekerdene, cinîyan teyna perwerdeyo teorîk nêdî, her wareyê cuye zî bi hemkarîye ameye parekerdene.

Jîneolojî, tarîxê azadîye û ercnayîşê Ocalanî

Bi perwerderîya Jîneolojî nîyadayîş û  tecrûbeyî ameyî parekerdene. Cinîyî serê xeylî babetan de bi hîrayîye vinetî, dewrê klanan ra hata roja ewroyî pers û cewabê pozîsyonê cinîyan ê tarîxî ameyî ercnayene.Her sernameyêkê beşê, bi ercayîşanê Rayberê Şarê Kurdî Abdullah Ocalanî ameyî roşnkerdene.

Domanan hem perwerde dî û hem zî kayî kaykerdî

Kampe de seba domanan zî bernameyêk amebi amadekerdene. Hem domanî ameyî perwerdekerdene û hem zî domanan bi kayanê cîyayan wext vîyarna.

Rixmo ke kampe reya verêna yena viraştene zî, hetê perwerde û tewrbîyayîşî ra serkewte derbaz bîye.