Xeylî bajaranê Almanya de bi tafînayîşê 7000 findan grevanê vêşanîye rê wayîr ame vejîyayene. Çalakîyî bi vengdayîşê Têgêrayîşê Cinîyan ê Kurdan ê Almanya virazîyayî.

ESSEN: Seba wayîrvejîyayîşê çalakîyanê grevê vêşanîye û şermezarkerdişê bêvengîya hemverê nê xoverdayîşî, bajarê Essenî yê Almanya de 7000 findî ameyî tafînayene. Çalakîye hetê Meclîsê Cinîyan ê Şengalî yê Berîvane ra amî viraştene. Çalakîye de xeylî vilawekî zî ameyî vilakerdene.

DORTMUND: Dortmund de çalakîyêka bi heman hawayî amî organîzekerdene, labelê seba ke amî astengkerdene, çalakwanan pankarta ke ser o “7000 merdimî grevê vêşanîye de yê, seba paştdarîye ti zî îmza bike” akerde. Çalakîye xeylî bale ante.

AACHEN: Çalakîya tafînayîşê 7000 findan bajarê Aachenî yê meydanê Elisenbrunnenî de virazîyaye. Çalakîye de vilawekî ameyî vilakerdene û xeylî Almanan zî seba paştdayîşî findî tafînayî.

DUSSELDORF: Çalakîya Dusseldorfî zî saete 17 de Heinrich-Heine-Platz de amî viraştene. Çalakîye de veng dîya sazîyanê mîyanneteweyîyan ke mesuldarîya xo bica bîyarê.

STUTTGART: Bajarê Stuttgartî de şar seba tafînayîşê findan Marstalleck/Konigstrasse de ame pêser. Çalakwanan serê rayîrî de xeylî findî tafînayî.

FRIEDRICHSHAFEN: Bajarêko bîn o ke heman çalaki amî viraştene Friedrichshafen bi. Pîya bi tafînayîşê findan derheqê amacê xoverdayoxanê grevê vêşanîye xeylî vilawekî ameyî vilakerdene.

MAINZ: Çalakîya Mainzî hetê Meclîsê Cinîyan ê Vîyane ra amî viraştene û 7 hezarî findî ameyî tafînayene.

HAMBURG: Bajarê Hamburgî de, Kurdistanij û dostanê înan seba ke bibê vengê tepişteyanê ke grevê vêşanîye de yê findî tafînayî.

MUNCHEN: Çalakîya Munchenî hetê Komuna Cinîyan a Sara ra amî viraştene. Çalakwanan resimê xoverdayoxanê grevê vêşanîye kirişti û xeylî vilawekî vila kerdî.

BERLÎN: Paytexy Berlîn de seba qedînayîşê tecrîdê serê Rayberê Şarê Kurdî Abdullah Ocalanî û paştdayîşê grevanê vêşanîye, çalakîya tafînayîşê 7 hezarî findan virazîyaye. Bi nê amacî kîtleyêka qerebalixe wareyê "Potsdamer Platz" de ameyî pêser û findî tafînayî.

HALLE: Bajarê Halle de zî Kurdistanij û dostê înan ameyî pêser û 7 hezarî findî tafînayî. Çalakîye de derheqê halê Leyla Guvene û heme xoverdayoxanê grevê vêşanîye de hayîdarî amî dayene.