Fermandarîya Qerargehê Merkezî yê YJA Starî seba Newroze eşkerayêk daye.

Eşkerayîya YJA Starî wina ya:

“PKK yo ke erjê azadîye yê ke şaranê Rojakewtena Mîyanêne vera sîstemê koledarî bi xoverdayîşê fînayî dest, resnayê manaya girde, Partîya Newroze ya. Ma Newroza Rayberîya xo yê ke PKK,  yo ke sey toxim herre de beno zergûn, beno deyîre û her ca de yeno vatene dîyarîya ma kerdo, ya şarê xo yê ke ruhê Newroze kerdo serewedaritiş, ya heme merdimîye ya ke seba cuyêka azade û demokratîke têkoşîn kenê pîroz kenê. Ma şehîdanê xo yê pîlan Mazlûm Dogan, Zekîye Alkane, Rahşane, Ronahîye, Bêrîvane û Semayan ê ke heqîqetê cuye bi xoverdayîşêko gird îfade kerdo, bi hurmet û mînet yad kenê.

Şarê Rojakewtena Mîyanêne û Mezopotamyayî ver bi Newrozêka neweye serê xeta şehîdanê qehremanan ê fedaîyîyan de aver de şino. Şarê Kurdistanî, Newroz a ke bi serkêşîya Rayber Apoyî yena manaya roja neweye, têkoşîn o ke Kawayê Asinkarî vera Dehaqê zalîmî dayo, bi hezaran Kawa afernayî û tarîxkîya aye heta ewro arde û resnaye sewîyeya modernîteya demokratîke. Têgêrayîşê Kawayê hemdemî yo ke ewro bi şehîdanê ma yê qehremanan Mazlûm Doganî reyde dest pêkerdo, PKK serkêşîya ci keno, rêça Newrozebîyayîşî de, şexsê şehdîdanê ma yê qehremanan Zekîye, Rahşane, Bêrîvane, Azê, Hêlîne, Gulnaze û Delalane de, ma hemê şaranê xo, xoverdayoxanê koyan û zîndanan, xoverdoyaxanê grevê vêşanîye yê ke leşa ci hêdî hêdî helîyenê û herikenê serê adirê Newroze û govenda azadîyê xurt kenê, pîroz kenê.

Deheqê wextêkî Kenan Evren, wexto ke xoverdayîşê bi serkêşîya Kawayê hemdemî Mazlûm Doganî ame rijnayene, qîrayîşê xoverdayîşî yê seba azadîye yê Mazlum Doganî, dimayê girewteyanê zîndanan koyan de, bi serkêşîya qehremanê bêmergî Mahsûm Korkmazî, bi çalakîya 15'e Tebaxe, xoverdayîşê zîndanan resnabi koyan. Dehaq o ke zîndanan de parçekerdene, koyan de zî hetê gerîlayanê qehremanan ra amebi parçekerdene û verê her çîyî Deheqê ke hiş û cuya şarê ma de ca girewto, gandarbîyayîşê PKK’yî reyde bibi lete û lewarê.

Ruhê PKK û PAJK bîyayîşî, ewro kotîyê dinya de bîhne gêno, xoverdayîşê cinîyan o ke do boya gemare ya Deheqan bibirna, bi Yewîyê Cinîyan ê Azadîye yê Starî, xeta pawitiş û seveknayîşê estbîyayîşê xo, azadîye xurt bikerê. Deheqê ewro yê ke serê Rayber Apoyî de tecrîdo girankerde dewam kenê û wazenê faşîzmî serê şarê ma de biresnê sewîyeya bîne, maskeya faşîzm ê AKP-MHP yê Erdoganî danê ra verê rîyê xo, bi xoverdayîşê grevê vêşanîye yê ke bi serkêşîya Leyla Guvene dest pê kerdo, ma Tecrîdî Bişiknê, Faşîzmî Birijnê, ma do bi adirê Newroze înan biveşnê û çin bikerê.

Ma hêzê YJA Starî, ma reyna sond wanenê ke ma do ruhê xoverdayîşê tarîxkî yê Newroze, bi hawayêkê demê ma hewca keno û bi feyzê hurmetê şehîdanê ma yê qehreman ê Newroze, xurtir bikerê. Bi wesîleya Newroza 2019'î, bi vatişê, “Ma do ne sey verî biciwîyê ne zî sey verî şer bikerê”î yo ke Rayber Apoyî sey destûr dayo ra ma ver, ma wazenê  bîyarê vîrê dost û dişmenan ke pawitiş û şerê ma do cewab bidê şertanê demî. Ma vengdayîş bi cinîyanê xoverdayoxan ê dinya kenê heta ke heme Deheqê rîyê erdî ra bêrê çinkerdene çekê ma ma dest de,  wa tewrê rêxistina ma û têkoşînê ma bibê, têkoşînî xurt bikerê. Newroza serra 2019’î do biba Newroza azdîye. Ma vengdayîş bi heme cinîyan kenê ke dormeyê adirê roja têkoşînî ya neweye de kom bibê û bikewê govenda azadîye.”