Fermandarîya Qerargehê Merkezê YJA Starî bi wesîleya 21ê Adare Roşanê Newroze eşkerayîya nuştekîye daye semedê girkerdişê adirê azadîye veng da.

Mesajê YJA Starî ya Newroze ra qismêk wina yo:

''Ma emser bi şînê erdlerzî kewnê Newroze. Xora Newroze têna roşan nê roja xoverdayîş û azadîye ya. Ma Newroza şarê xo, şehîdan û Rayberîya xo pîroz kenê û soz danê ke ma do qesasê dejê şarê xo bîgêrê, gonîya şehîdanê xo erdî de meverdê û sîtesmê îşkenceyî yê serê Rayberîye bişiknê.

Felaketê peyênî yê erdlerz û laseran qirkerdiş o. Qirkerdişêko sîstematîk o. Demê winayên de ke têknîk û zanistî hende aver şîyî, erdlerz û qewimîyayîşê xoza verî ra yenê zaneyene de tedbîrî nêameyî girewtene. Îqtîdaro faşîst ê AKP-MHPyî bi cara mudaxaleyê herême nêkeno, verê hetkarî geno ke şarê ma eciz bikero, bêçare biverdo ke xorê bikero muhtaç. Îqtîdaro faşîst na rey zî dejanê şarî ser o kewt rantî dima.

Ma  herinda şîn, bêçareyîye û bêhêvîye de bi ruhê xoverdayîşî yê Newroze werzê payan ser û xover bidê. Ma şînê xo biaçarnê serewedaritiş û vînîkerdişanê xo biaçarne serkewitşî. Gerek pêro şarî bibê yew û nê zilmê faşîstî birijnê. Wisar mijdanê wardayîşê îqtîdarê faşîstî dano. Sere de cinîyî gerek heme şarê ma şiro faşîzmî ser. Hinda wextê nê faşîzmî ra xelisyayîşî ameyo.  Wext wextê serekwtişî yo, wextê yewbîyayîşî û vera zaliman serkewtişê şaran o.

Her Newroze şarê kurdî yo birumet newe ra beno ganî. Newroze roşanê kurdan ê sereberzan o. Newroze Sara û Ruken ê ke vera zalimanê ke wazenê şarêkî bikerê kole, mezgê dişmenî de teqayî. Newroze xoverdayîşê gerîlayan o ke Amedî ra heta Avaşînî, Dêrsimî ra heta Zapî, Botanî ra heta Hefatanînî çar parçeyanê Kurdîstanî de yeno rayaberdene. Newroze maşaleyê destê cinîyan o ke bi şîarê Jin jiyan Azadî qîrenî. Bi keda Rayberîye ya pancas serran, gonîya şehîdan û xoverdayîşê şarê ma, ma heta nê rojan ameyî. Bi gerîlayanê fedayîyan, cinîyan ê xovedayoxan, şaro ke bêters bedenê xo vêşneno şorişê azadîye  ame kerdene.

 Şarê ma ewladê xo yê tewr sînayeyî semedê azadîye feda kerdî. Têgêrayîşê Azadîye yê Kurdan û şaro ke bi nê têgêrayîşî sereberz o ame afirnayene. Ewro ra tepîya qet hêzêk ne eşeno cinîya kurde ne zî şarê kurdî vindarno. Bedelê ke Avaşîn, Zap, Dêrsim, Serhed, Qendîl û Xakurkê de ameyî dayene, qet yewê înan veng ra nêşi. Şarê kurdî serkewtişî rê zaf bîyo nizdî. Na Newroze de do tîje bivejîyo û şar tarîtîye ra bixelisîyo. Ma so sey hêzanê YJA Starî bi adirê şehîdanê xo yê ke bîyî Newroze, tîtikê koyan de do bibê mîjdanê serkewtişî. Ma do mîrasê hemrayanê xo biresnê serekwtişî. Ma veng danê şarê xo ke wa derûdorê Newroza Rayberîye de bêro têhet û bi şîarê ‘Biji Serok APO’, ‘Jin, jiyan, azadî’ adirê azadîye gir bikero."