Fermadarîya Qerargehî ya Merkezê YJA Starî bi eşkerayîyêka nuştekîye da zanayene ke fermandare Aryana Baran nêweşîya kanserî dinyaya xo bedilnaye.

Nameyê Qodî: Arayana Baran Name û Peyname: Yesamîne Maç Cayê Bîyayîşî: Curnê Reş Maye-Pî: Asîye - Ahmet Tarîx û Cayê Şehadetî: Teşrîna Peyêna 2020 / Herême Pawitişê Medya

Eşkerayîye de nê ameyî vatene: ''Embaza ma Aryana Baran qezaya Curnê Reşî de keyeyêkê welatperwerî de ameya dinya û bi kulturê xoverdayîşî bîya pîl. Hema serranê xo ya qijan de qirkerdişê vera kurdan rê şahîdîye kerde û vera nayî mîyanê mucadeleyî de cayê xo girewt. Hemraya ma Aryana badê Komployê 15ê Sibate yê 1999î  Rûsya de tewrê têgêrayîşê azadîye bena ke cewabê komployî bido. Wextêk semedê rêxistinkerdişê êzdiyan gureyena û dima ra verê xo dana welatî. Welat de wazena ke mîyanê fedaîyan de ca bigero.

Hemra Aryana koyanê azadan de 21 serrî pê mucedeleyî dekerde ravêrnayî û bîye fermanaranê fedaîyan ra yew. Rîyê aye tim verbi Vakûrê Kurdîstanî bi. Seba ke bireso eşq û heqîqatê gerîlatîya raşte 2004 de verê xo da Botan. Hemleya 1ê Hezîrane de rolo aktîf girewt. Waranê Botan û Mêrdînî de her vinceyê herra ci de rêçê mucadele û keda embaza ma Aryana estê. Bado ke agêraye Başûrê Kurdîstanî Akedemîya Şehîde Zîlane de perwerde dî  û reyna 2014 de pîya bi hemrayanê ma Botan Hakkarî û Soro Amedî seba ke Fermandarîya Eyaletê Mêrdînî de ca bigêro şîye Vakûrê Kurdîstanî. 2015 - 2016 de prosesê xoverdayîşê xoîdarekerdişî de serkêşîye kerde.

Bitabetî zî sey fermandara cinîye Dêrîka Çîyayê Mazî de vera faşîzmî şerê demî ke ame rayraberdene rê serkêşîye kerde. Sey embezanê xo Xebatkar, Rûkene, Yildize, Êriş, Çîyager, Zeryan û Axînan xover da, şer kerd û şer koordîne kerd û heme planê leyminî û konseptê qirkerdişî pûç vetî. Fermandare Aryana ke agêrayê Başûrê Kurdîstanî tim waştêne reyna şiro Vakûr. 2017 de tewrê perwerdeyê îdeolojîkî yê Ocaxê Sakîne Cansiz yê PKKyî bîye û tecrubeyê xo yê şerê şarê şorişgêrî pare kerdî. Dima ra reyna xebatanê HPG  û YJA Starî de cayê xo girewt û heta şehadetê xo wayîrê nê wezîfeyê xo yê tarîxî vejîyaye.

Fermandara ma ya serkêşe Aryana ke Curnê Reşî ra heta Botan û Mêrdînî, Vakûrî ra heta Başûrî 21  serran de rayraşîyayîşê şorişî de rayra berdene tewr peynî de teşrîna peyêne de rîyê nêweşîya xo ra dinyaya xo bedilnaye. Ewlada delale ya herra bimbareke, cinîya xoverdayoxe û şorişgêre ya Curnê Reşî û fermandara cinîye ya serkêşe şehîd bîye. Ma sere de keyeyê welatperwerî yê hemraya ma Aryana ke xeylêk şehîdê înan estê, keyeyanê şehîdan, şarê Curnê Reşî û heme şarê Kursîtanî rê seweşîye wazenê. Ma sey YJA Starî ma sondê xo yo ke pîya hemra Aryana wend, newe kenê û sozê pîlkerdişê mucadeleyî danê.''