Fermandarîya Yewîyanê Pawitişî ya Cinîyan (YPJ) da pêhesnayene ke Adare Cûdîya ke 27ê temmuze de netîceya qezayî de birîndar bibî, şehîde bîye. Eşkerayîye de nê ameyî parekerdene:

''Şorişê Rojawanî bi tewrbîyayîşê cinîyan resa heme hetanê komelî. Her cinîya ke tewrê refanê azadîye bîye, semedê nê şorişê bimbarekî keda pîle daye. Cinîyê ke destpêkerdişê şorişî ra refanê YPJyî de ca genê û rolê xo yê serkêşîye ane ca, înan ra yew zî hemraya ma Adare Cûdî bî.

Hemraya ma Adare Cûdî bi nameyê bînî Şêrîne Elî keyeyêkê welatperwerî yê Hesekê de ameye dinya û tim semedê cuya azade cigêrayîş de bî. Hemraya ma Adare Cûdîya ke binê tesîrê şorişî de mend, semedê pawitişê nasname, herre û kulturê şarê xo tewrê yewîyaynê paiwtişî bîyî. Rêxistinbîyayîş verênî yê YPJyî ra heta îlankerdişê ci sey cinîya serkêşe cayê xo girewt û semedê xurtkerdişê têkoşînê cinîyan keda pîle daye. Vera terorê DAÎŞî her qeyde hêrişanê îşxalî rolo gird kay kerd. Hemleyanê azadkerdişî yê Hesekê, Şedadê û Til Temirî de vernîya cepheyî de cayê xo girewt û vera çeteyan şer kerd û heme wezîfeyê xo bi serewktişî ardî ca.

Hemraya ma Adare Cûdî pîya bi Avaşîne Cûdî, Hîba Hesekê, Bêrîvane Hesekê û Dilare Kobanê qezayêk ravîyarna û birîndare bîye. Rixmê heme mudaxaleyan hemraya ma Adare Cûdî nêameye xelisnayene, 31ê temmuze de şehîde bîye. Sere de keyeyê ci yo erjîyaye wa sereyê heme şarê ma yê welatperwerî weş bo. Ma reyna sozê xo newe kenê ke ma do sey YPJyî wayîrê keda şehîdan bivejîyê û bi komelê azad û demokratîkî tacîdar bikerê.