Zor û zehmetîyê koyî pê embazîye çin benê
Gerîlayanê YJA-Starî îfadekerd ke koyan de xeylêk zor û zehmetî estê labelê bi sayê embazîya fîraze ya PKKyî ê nê astengîyan werte ra danê ware.
Gerîlayanê YJA-Starî pare kerd ke gerîlatîye cuyêka zehmete zî biba, pê hêzê embazîye asan bena. Gerîlayan vat, ''Senî ke heskerdişê welatî û erdî heskerdişêko komelkî yo, heskerdişê embazîya PKKyî zî heskerdişêko komelkî yo.''
Gerîlaya YJA-Starî Rengîne vat: ''Fedakarîye, heskerdişê embazîye, hûrmet tewr zêdêr mîyanê PKKyî de yenê dîyene. Senî ke heskerdişê welatî û erdî heskerdişêko komelkî yo, heskerdişê embazîya PKKyî zî heskerdişêko komelkî yo. Têkilîya embaz3iye tim xurtêr a.''
Gerîla Awaze Dilovan vat: ''Merdim bi heskerdişî û moralî tewrê cuye benê. Zaf zor û zehmetîyê koyî estê, labelê nê zor û zehmetîyî pê embazîya fîraze ya PKKyî werte ra yenê wedaritene. Zor û zehmetîyî pê embazîye benê asan.''
Gerîla Arîne Ereb vat: ''Wexto ke persê 'embazîye çita ya' yeno kerdene no çi yeno vîrê merdimî; bawerîya bêşike ya pê embazan. Wexto ke ma wezîfeyê xo anê ca vînayîşê embazanê ma ma kenê rehet. Heta ke embazîya xurte ya PKKyî estba têkoşînê ma do qet qels nêbo.''
