Nobeta Azadîye ke rayberîya Înîsîyatîfê Ocalanî rê Azadîye de 25ê hezîrana 2012î de seba azadîya Rayberê Şarê Kurdî şaristanê Strasbourgî yê Fransa de dest pêkerde, serra 10. de dewam kena.

Nobeta Azadîye hewteyê 504. de ya. Çalakîkerê nê hewteyî şaristanê Nurnbergî yê Almanya ra kurdîstanijî Hîkmet Gencer, Edîp Yalşin û Dogan Dalmiş ê.

Hîkmet Gencerî nameyê kome ser o qisey kerd û da zanayene ke komplo şexsê Rayberê Şarê Kurdî Abdullah Ocalanî de vera şarê kurdî, şaranê Rojhelatê Mîyanênî û şaranê mazluman ame kerdene.

Gencerî vat: ''Dirîtîya Ewropa tîya de eşkera bena.'' Gencerî bale ante ser ke dewletanê Ewropa zî komplo de ca girewt û dewleta tirke zî bi binpaykerdişê huqûqê xo tecrîd de israr kena.

Hîkmet Gencerî vat: ''Welatê Ewropa zî mîyanê na bêhuqûqî û bêedaletîye de yê ke dewleta tirke Rayber Apoyî rê ferz kena. Gencerî pare kerd ke serra 24. ya Komployî de ê do têkoşînê xo pîlêr bikerê.