Nobeta Azadîye ke rayberîya Înîsîyatîfê Ocalanî rê Azadîye de 25ê hezîrana 2012î de seba azadîya Rayberê Şarê Kurdî şaristanê Strasbourgî yê Fransa de dest pêkerde, serra 10. de dewam kena.

Nobeta Azadîye hewteyê 505. de ya. Çalakîkerê nê hewteyî şaristanê Ulmî yê Almanya ra endamê Merkezê Komelê Demokratîkî yê Kurdan Ahmet Baytar, Mûstafa Polat û Alî Donmez ê.

Ahmey Baytarî nameyê kome ser o qisey kerd û vat: ''Dewletê ke hemkarê tecrîdî yê, na hemkarîya xo vera şarê kurdî her roje mojnenê.'' Ahmet Baytarî bale ante nobeta azadîye ser ke 10 serrî yo dewam kena.

Çalakîker Ahmet Baytarî îfade kerd ke çalakîya nobete 505 hewte yo bi qerardarî dewam kena, nîşaneya Têkoşînê Azadîye yê kurdan o û vat: ''Kurdî her ca de do seba Rayberîye û azadîya ci têkoşîn bikerê.''