Êzidîyan Rûsya de hêrişê vera Şingalî protesto kerdî
Organîzasyonê Êzidxanî yê Êzidîyan ê Rûsya hêrişê hukmatê Iraqî yê Şingalî protesto kerdî û vat: ''Nê hêrişî bi hemkarîya Iraq û dewleta tirke yenê kerdene.''
Organîzasyonê Êzidxanî yê Êzidîyan ê Rûsya hêrişê hukmatê Iraqî yê Şingalî bi eşkerayîyêke protesto kerdî.
Eşkerayîye de ame vatene ke hukmatê Iraqî bi hemkarîya dewleta tirke ya îşxalkere û PDKyî hêrişê Şingalî keno. Eşkerayîye de ame parekerdene ke tesaduf nîyo ke nê hêrişî serrgêra Komployê 15ê Sibate de ameyî kerdene.
Eşkerayîye de venga pêro dezgehanê mîyanneteweyîyan ê heqanê merdiman ame dayene ke wa vera hêrişanê serê êzidîyan tewirê xo zelal bikerê.
