Hemsereka Meclîsê Sûrîyeya Demokratîke (MSD) Îlham Ehmede bi selahîyetdaranê hukmatî û partîyanê sîyasîyan ê Swêdî pêvînîyaşî viraştî.

Ehmede ard ziwan ke seba ke ê şaranê Rojawanî hêrişanê dewleta Tirkî ra bipawê bi Rûsya û Sûrîye hêtê leşkerî ra pêkerd û va: ‘‘Şarê ma zano ke hetê Amerîka û hêzanê koalîsyonî ra pey ra ameyî kardîkerdene.  Sozê ke dayî ma înan ra qet yew zî nêtepişt. Eke adirbirnayîşêko muhtemel cayê ke Tirkîya kewta de tede verdeno, çîyêko wînayên nêno qebulkerdene.‘‘

Ehmede vîst vîrî ke Serêkanîyê û Girê Spî de pêkewtişê giranî estî û 300 hezar merdimî keyeyê xo teriknayî û va: ‘‘Dewleta Tirkî  hêrişê sivîlan kêna. Şarê Rojawanî qetil kena. Qamişlo de seba çeteyan verade hêrişê zîndanî kerd. Bi seyan çeteyî zîndan ra bi hetkarîya Tirkîya remayî. Nê çeteyî seba herême û heme dinya tehlule yê.‘‘

Ehmede qerarê Tirkîya rê çekan nêrotişî yê Swêdî ra kêfweşîya xo arde ziwan û waşt ke semedê vernîgirewtişê qirkerdişê dewleta Tirkî wa Vakurê Sûrîye sey herêma firdayîş rê qedexe  bêro îlankerdene û Swêd ra waşt ke na babete bifînê rojdeme Yewîya Ewropa. Sîyasetmedar û selahîyetdaranê hukmatê Swîsre zî semedê xoverdayîşê vera  DAÎŞ’î Ehmede rê spad kerd û vat çîyo ke dest înan  ra bêro ê  do bikerê.