Bi wesîleya serrgêra 23. ya Komployê Mîyanneteweyî yê vera Rayberê Şarê Kurdî Abdullah Ocalanî Îtalya de karê dîplomasî ameyî kerdene. Buroyê Enfermasyonî yê Kurdîstanî ra heyetêk Roma, Montova û Cenova de şaredarîyan reyde pêvînayîşî kerdî.

Pêvînayîşan de şaredarîyan ra ame waştene ke hemwelatîya rûmetî bidê Abdullah Ocalanî û bale ameye antene rewşa Aysele Tugluk ser. Rêxistinanê komelê sivîlî û sendîkayan de zî pêvînayîşî ameyî kerdene û seba Kampanyaya Ocalanî rê Azadîye paştdayîş ame waştene.

Roma û Montova de seba ke PKK 'lîsteya terorî' ra bêro vetene standê îmzayî ameyî akerdene û seba çalakîya 12ê sibate ya Roma û Milanoyî afîşî ameyî daliqnayene.

Hetê bînî ra wesayîto ke ser de fotogragê Rayberê Şarê Kurdî estê do heta 11ê sibate kuçeyanê Roma de bigêro û seba tewrbîyayîşê çalakîye veng bido.