Paytextê Avusturya Viyana de bînaya şaredarîye de resepsîyonê Newroze ame kerdene. Resepsîyon serkêşîya Federasyonê Komelê Demokratîkî yê Kurdan (FEY-KOM) de ame kerdene.

Sîyasetmedaranê Avusturya reyde temsîlkarê rêxistinanê komelê sivîlî zî tewrê resepsîyonî bîyî. Endamê Meclîsê Şaredarîye Şafak Akçay, Asrît Rompold, Partîya Keskan ra Niki Kunrat, Sersefîra Swêdî Anita Markovic, AK-Arbeiter Kammer Wienî ra Asya Sel zî tewrê resepsîyonî bîyî.

FEYKOMî ser o Cîna Ahmadî resepsîyon de qisey kerd û da zanayene ke têkoşînê kurdan hetê welatanê Ewropa û dinya ra têna yeno verdayene.

Resepsîyon bi govendan qedîya.