Bajarê Halle yê Almanya de semedê Sakîne Cansiz, Fîdane Dogan, Leyla Şaylemez, Emîne Kara, Mîr Perwer û Abdurrahman Kizil yê ke paytextê Fransa Paris de ameyî qetilkerdene aktîvîteya vîrardişî ameye kerdene.

Aktîvîteya ke bi vengdayîşê Têgêrayîşê Cinîyan ê Kurdan ê Ewropa  (TJK-E) serkêşîya enternasyonalîstan de meydanê Stentorî de ameye kerdene, xeylêk kurdîstanij û dostê înan tewrê ci bîyî, qirkerdişişê Parisî protesto kerdî û şehîdî ardî vîrî.

Eşkerayîye de ame vatene ke sey qirkerdişê verênî no qirkerdiş zî pê destê dewleta tirke ame kerdene û veng dîya Fransa ke wird qirkerdişan wa zelal bikero. Merdimê Mîr Perwerî Faysal Çetinî zî vat ê do dejê xo vera dişmenî biaçernê hêzî û têkoşînê şehîdan bidê domnayene.