Şirîkê hukmatê Fînlandîya: Wa PKK lîsteya terorî ra bêro vetene
Şirîkê hukmatê Fînlandîya Îtîfaqê Çepgîrî tewirê xo yê negatîfî yê vera endamîya NATO ra fek vera da û pêşnîyazê 'PKK wa lîsteya terorî ra bêro vetene' kerd.
Partîya Îtîfaqê Çepgîrî kongreya xo ya yewşemeyî de tewirê xo yê seba endamîya NATOyî vurnaye. Goreyê polîtîkaya newîye Îtîfaqo Çepgîr babeta endamîya NATOyî de yew pozîsyon do nêgereno û tewirê xo yê negatîfî ra fek vera bido.
Îtîfaqê Çepgîrî pêşnîyazêk kerd û waşt ke PKK wa lîsteya terorî ya Yewîya Ewropa ra bêro vetene. Na bire bi înîsîyatîfê Ciwananê Çepgîran ra ameye girewtene.
Îtîfaqo Çepgîro ke parlamento de 16 wekîlê ci est ê, şirîkê hukmayê Sanna Marin o.
