Çalakîyê şermezarkerdişê dewleta tirke ya ke vera gerîlayan çekanê kîmyewîyan şuxulnena dewam kenê. Vizêr reyna kurdî û dostê înan kuçeyan de bî.

Bajarê Frankfurtî yê Almanya de serkêşîya Meclîsê Cinîyan ê Amara de çalakîyêke ameye organîzkerdene. Çalakwanan pê kincanê taybetan ê ke kîyewîyî ra pawenê û maskeyan sey sembolîkî bale ante caardişanê teberê merdimîye ser. Çalakîye de derheqê hêrişanê dewleta tirke de vilawekî ameyî vilakerdene.

Bajarê Darmstadtî yê Almanya de zî hetê Komeleya Cinîyan a Roza stand akerd û derheqê şuxulnayîşê çekanê kîmyewîyan ê dewleta tirke de zanayîş da.

Bajarê Kolnî yê Almanya de endamanê Meclîsê Cinîyan ê Vîyane seba ke derheqê şuxulnayîşê çekanê kîmyewîyan de wa şirê cayê qewimîyayîşî de cigêrayîş bikerê Rêxistina Qedexekerdişê Çekan ê Kîmyewîyan (OPCW) rê mektûbe şawite.

Paytextê Danimarka Kopenhag de zî verê parlamento de bi çalakîyêke dewleta tirke û bêvengîya welatanê Ewropa ameyî şermezarkerdene. Çalakîya ke hetê Merkezê Komelê Demokratîkî yê Kurdan de ameye kerdene veng dîya dezgehanê eleqedaran ke berpirsîyarîya xo bîyarê ca.