Şaristananê Duisburg û Stuttgartî yê Almanya de serkêşîya ciwananê TCŞ û TÊKO-JIN de Newroze ameye fîrazkerdene.

Duisburg de ciwanan teber de şayîyêke viraşte û heta şanî govende girewte. Koma Stêrkên Welatê şayîye de performansê folklorî mojna û qiseykerdişî ameyî kerdene. Sîyasetmedare Leyla Îmret zî nameyê HDPyî ser o qisey kerd û da zanayene ke emser do Newroze reyde azadîye bêra.

Stuttgart de ciwanan dormeyê adirê Newroze de bi coşî şayîya xo viraşte. Ciwanan adirê Newroze ser ra xo eşt û govende girewte. Şayîye ra dima meşaleyî ameyî tavistene û bêmabên sloganê 'Biciwîyo Serek Apo' ame vatene.