Paytextê Armenîstanî Erîvan de Newroze ameye fîrazkerdene. Elegez, Oktoberyan û Artaşatî ra xeylê kurdî tewrê şayîya Newroze bîyî. Şayîye Merkezê Kulturî yê Akademîkî yê Sundukyanî de ameye kerdene. Şayîye de Azad Bedran û hunermendê herêmîyî vejîyayî sehne ser. 

Serekwezîrê Armenîstanî Nikol Paşinyanî zî mesajêk şawit û Newroze fîraz kerde.

Hemserekê Konseya Kurdan û Wekîl Kinyas Hasanov, Hemsereka Komîteya Kurdîstanî Îla Tovmasyon û Silo Dirboyan şayîye de qisey kerd.

Qiseykerdişan de Newroza Rayberê Şarê Kurdî Abdullah Ocalanî, gerîlayan, şehîdan û şarê kurdî ameye fîrazkerdene û ame vatene ke Newroze serewedaritişê vera zulmî yo.

Şayîye bi govendan qedîyaye.