Basel de qeyûm ame protestokerdene

Bajarê Baselî yê Swîsre de bi çalakîyêk qeyûmê ke şaredarîyanê Amed, Wan û Mêrdînî de ameyî cakerdene, ameyî protestokerdene.

Bajarê Baselî yê Swîsre de xespkerdişê şaredarîyanê HDP’yî bi çalakîyêk ame  protestokerdene.

Çalakîya ke hetê aktîvîstanê Têgêrayîşê Ciwanan ê Şorişgêrî û Komîteya Rojawanî ra ameye organîzekerdene xeylî kesî tewrê ci bîyî. Çalakîye de xespkerdişê şaredarîyanê Amed, Wan û Mêrdînî û hêrişê AKP’yî yê vera heme Kurdan ameyî protestokerdene. Çalakgeranê ke beyraqê Rayberê Şarê Kurdî Abdullah Ocalanî û YPG û YPJ’yî kiriştî, bi sloganan hêrsê xo yê vera dewleta Tirkî ard ziwan û derheqê polîtîkaya înan a hêrişkare de vilawekî vila kerdî.